任天堂NX手掣流出照证实係流料

任天堂NX手掣流出照证实係流料

今个星期好多任天堂嘅料爆,先有疑似NX手掣现身,后来再传Wii U年底停产,结果两单料不约而同都係流嘅。Wii U嗰单官方已出面澄清,而疑似NX手掣照则有原製作人出嚟承认係按照专利伪造。

「NX手掣」低清相流出后,有Reddit用户言之凿凿话触控键同两侧顶头按键手感好似滑鼠滚轮。数日后再有高清版相片爆出,照片中嘅手掣更贴有「机密」贴纸,成件事好真。不过「低清相」製作人David Im贴出影片自爆骗局,并分享更多3D模型照证实来源。然后「高清相」製作人Frank Sandqvist自称受David Im设计启发,于是整咗一个假实体模型出嚟,同样有拍片分享「伪造」过程。佢话见到好多人反对呢个触控设计,所以而家大家知道相片係假,应该会鬆一口气。

上一篇: 下一篇: